Analog Science Fiction and Fact

Unua numero de *Astounding Stories of Super-Science*, datita en januaro 1930. La kovrilarto estas de Hans Waldemar Wessolowski.

Analog Science Fiction and Fact estas revuo pri anglalingva sciencfikcio publikigata en Usono ekde la 1930-aj jaroj.

Origine nomita Astounding Stories of Super-Science, ĝia unua numero estis publikigita en januaro 1930. Post kiam la unua eldonisto bankrotis, la revuo estis vendita al Street & Smith en 1933, kaj baldaŭ iĝis gvidanto en sia kampo. Interalie ĝi publikigis "The Legion of Space" de Jack Williamson kaj "Krepusko" de John Campbell, kiu iĝis la redaktoro de la revuo en 1937.

Tra la jaroj, sekvante la kreskantan konkuradon same kiel la emon de Campbell publikigi pseŭdo-sciencon kaj ligon al la instruo de L. Ron Hubbard (fondinto de Scientology), falis la prestiĝo de la revuo. Tamen, ĝi restas signifa en sia kampo. En 1960 la revuo estis nove nomita al sia nuna nomo. Campbell restis redaktisto ĝis sia morto en 1971.

Hodiaŭ la redaktoro estas Trevor Quachri.